Galiza con Catalunya, pola independencia!

A só unhas horas de que o povo catalán sexa chamado a se expresar democraticamente contra a negativa do Estado español de recoñecer os dereitos colectivos, desde Mar de Lumes – Comité Galego de Solidariedade Internacionalista organizamos ou participamos en varias das iniciativas que se levaron a cabo en Galiza en apoio á xornada histórica do vindeiro 9 de novembro.

| Un momento do coloquio en Lugo

Esta “semana catalá” comezou o día 4, poucas horas despois de o Tribunal Constitucional español suspender a consulta cidadá que tiñan convocado a ANC e Òmnium Cultural após a suspensión da primeira consulta que ia organizar o goberno catalán. O videoforo de Lugo, no que foi proxectado o documentario Adeu, Espanya?, e que contou coa participación da ANC en Galiza, serviu para reunir unhas corenta persoas en apoio ao proceso.

O segundo acto tivo lugar ao día seguinte e co mesmo formato en Moaña, coa mesma proxección e a participación de Xavier Coma, da ANC-Galiza, que respondeu tamén preguntas dunha trintena de asistentes.

| Algunhas das persoas que asistiron ao acto de Moaña

Por último, este día 7 fomos tamén convidados como organización de solidariedade a un coloquio na Gentelha do Pichel de Compostela xunto con membros da ANC-Galiza, con preguntas sobre o proceso catalán e as súas ligazóns con outros procesos de independencia europeos e que tivo tamén un interesante desenvolvemento no coloquio coa reflexión colectiva sobre a necesidade de que Galiza sexa capaz de pór en marcha un proceso de independencia en termos semellantes aos de Catalunya.

| O momento do coloquio na Gentalha do Pichel, que precedeu á festa catalá

Partilla

Share on facebook
Share on twitter
Share on telegram
Share on whatsapp
Share on email

Subscríbete ao noso boletín internacionalista