Este 3 de novembro, a equipa juvenil do Maccabi Haifa visitou o estádio de Riazor para se enfrentar com o Deportivo da Corunha num encontro da Youth League. Mar de Lumes, junto BDS-Galiza, Galiza Por Palestina e os Riazor Blues organizamos umha açom de protesto contra o uso do desporto para naturalizar a existência do estado sionista, distribuindo e exibindo centros de bandeiras palestinianas na grada de Riazor e difundindo o seguinte comunicado, que colamos a continuaçom:
Maccabi Haifa fora da Corunha! Boicote ao Estado de Israel!
Esta quarta-feira, 3 de novembro, o Maccabi Haifa visitou o estádio de Riazor na segunda rodada da “Youth League”, para jogar com o RCD Deportivo da Corunha.
O Maccabi Haifa, como outras equipas desportivas israelitas, é utilizado como embaixador desportivo do Estado terrorista de Israel, tapando, legitimando e normalizando a ocupaçom, o apartheid e a vulneraçom sistemática dos Direitos Humanos do Povo Palestiniano.
O Maccabi Haifa está integrado na Maccabi World Union, junto a mais de 450 clubes desportivos em 60 países do mundo, entidade que exerce de guarda-chuva internacional do sionismo e, tal e como manifestam nos seus estatutos, defende os pontos do Programa de Jerusalém aprovados no XXVII Congreso Sionista de 1968: unidade do povo judeu, centralidade de Israel na vida judia e a sua concentraçom na sua pátria histórica, Eretz Israel.
A diplomacia sionista utiliza mais umha vez as suas equipas desportivas como embaixadoras para se apresentar perante o mundo como um Estado normalizado. Portanto, a equipa macabea é cúmplice dos crimes de lesa humanidade cometidos polo Estado de Israel.
É por isto que as organizaçons de solidariedade BDS-Galiza, Galiza Por Palestina e Mar de Lumes, junto com os Riazor Blues, somando-nos às iniciativas internacionais do movimento BDS de Boicot, Desinvestimentos e Sançons contra Israel, mostramos hoje o nosso rechaço perante a visita da delegaçom israelita, enchendo Riazor de bandeiras palestinianas e dando as costas ao campo no momento da entrada do Maccabi Haifa.
O sionismo é o terrorismo!
Maccabi Haifa fora de Riazor!
Galiza, 3 de outubro de 2021
