Hoxe, 9 de marzo de 2016, cando se cumpre un ano da Orde Executiva 13692 do Goberno do Presidente Barack Obama que considera a Venezuela como “unha ameaza inusual e extraordinaria” contra a seguridade nacional e política de Estados Unidos e, á vez, a decisión de prorrogar a mesma por un ano máis, alegando que é “necesario continuar a urxencia nacional” con respecto á situación en Venezuela porque “non mellorou” e esgrimen supostas violacións de dereitos humanos, queremos manifestar o seguinte:
- Reiterar, de novo, o noso contundente rexeitamento á acción injerencista do Decreto Executivo 13692 dictada polo presidente Barack Obama dos Estados Unidos, tal e como o fixemos públicamente o pasado ano, sumándonos á campaña mundial #ObamaDerrogaODecretoXa.
- Esta acción é unha flagrante violación dos principios do Dereito Internacional e unha grave injerencia en asuntos internos de cada país, xa que atenta contra o respecto e a igualdade entre nacións soberanas. Respondendo isto así, a unha resolución de orde unilateral e de imposición ao que segue estando afeito o Imperio, o cal -con apoio da dereita fascista internacional- pretende doblegar os avances dos gobernos progresistas e revolucionarios.
- Rexeitamos o descoñecemento de EE.UU. ao clamor de millóns de voces e firmas que se recolectaron -máis de 13 millóns- a nivel mundial para rexeitar e esixir a derrogación inmediata deste flagrante e arbitrario Decreto por canto constitúe unha grave agresión á soberanía e integridad de Venezuela que é un país libre, soberano e independente.
- Esiximos a derrogación inmediata e definitiva deste Decreto que busca desestabilizar e destruír o Goberno do Presidente Nicolás Maduro, a Revolución Bolivariana e dar cabida a escenarios violentos que poidan xustificar unha intervención estranxeira sobre esta nación suramericana. Finalmente, reiteramos o noso apoio e solidariedade ao Goberno Bolivariano do Presidente Nicolás Maduro e ao pobo venezolano, estaremos atentos e en pé de loita na defensa da Revolución Bolivariana.
POLA PATRIA DIGNA DE BOLÍVAR E CHÁVEZ!VENEZUELA NON ESTÁ SOA!VENEZUELA RESPÉCTASE!
